Super talenti Umaro Embalo në RB Leipzig, Man Utd humb garën

23:17 | 23 Janar 2018
Arbresh Info

Klubi gjerman ka rënë dakord për të paguar 10 milionë funta për transferimin e 16-vjeçarit që ende nuk është shfaqur në skuadrën e parë të Benficas.

Manchester United është tronditur nga RB Leipzigu që tashmë ka nënshkruar me super talentin e ri Umaro Embalo, transmeton portali arbresh.info.

Anësori 16-vjeçar raportohet se ka qenë duke u monitoruar edhe nga Real Madridi dhe Barcelona. Por, klubi nga liga e Gjermanisë ra dakord për të paguar 10 milionë funta për transferimin e tij.

Adoleshenti nuk ka luajtur ende në skuadrën kryesore të Benficas, por ka luajtur dhjetë ndeshje në Ligën e të Rinjve të UEFA-së.

Gazeta gjermane ‘Bild’ raporton që një “marrëveshje e përgjithshme tashmë është arritur” dhe “çështjet e kontratës mund të finalizohen sot”./arbresh.info/